Azad Rəhimov: “Bu, şaiyədi”

"Tam mәsuliyyәtlә deyirik ki, Bakıda Rusiya vә Ukrayna vәtәndaşları arasında toqquşma olmayıb". Futbolxeber.az-ın APA-ya istinadən verdiyi mәlumata görә, bu sözlәri gәnclәr vә idman naziri Azad Rәhimov iki ölkənin idmançıları arasında Bakıda dava baş verməsi barədə məlumatlara münasibәt bildirәrkәn deyib.

Nazir bunun şayiə olduğunu bildirib: "Mәn də bu barədə eşitdim. Әvvәl dedilәr, Atletlәr Kәndindә olub, sonra yemәkxanada baş verdiyi deyildi. Sonra isә küçәdә... Lakin bu mümkün deyil. I Avropa Oyunları böyük dostluğun vә sülhün idman bayramıdı. Ukrayna vә Rusiya tәrәfi dә bәyan etdi ki, belә hal olmayıb. Biz mәsәlәni sona kimi araşdırmışıq".