Azərbaycan Çimərlik Futbol Federasiyası millinin nəticəsindən utanır!?

Xəbər verdiyimiz ki, İtaliyanın Jesolo şəhərində təşkil olunmuş dünya çempionatının seçmə oyunlarında Azərbaycan millisi 23 komanda arasında 13-cü yeri tutub. Futbolxeber.az-ın məlumatına görə, AFFA-nın rəsmi saytında millimizin çıxışı ilə bağlı xəbərdə yalnız yığmanın son matçında Fransanı məğlub etdiyi qeyd olunub. Amma komandanın 13-cü olması barədə məlumat yoxdur. AFFA-nın rəsmi saytını nəticəni gizlətməkdə günahlandırmaq olmaz. Çünki AFFA-nın İnformasiya və İctimaiyyətlə Əlaqələr Departamentinə məlumat Azərbaycan Çimərlik Futbol Federasiyası tərəfindən göndərilir. Bu dəfə göndərilən məlumatda isə yığmanın nəticəsi qeyd olunmayıb. Deməli, Azərbaycan Çimərlik Futbol Federasiyasındakılar ya millinin nəticəsindən utanırlar, ya da yığmamızın neçənci yeri tutmasından xəbərsizdirlər.