Millimizin hücumçusu: “Bəhreynə qarşı oyun çox ağır oldu”

“Bəhreynə qarşı oyun çox ağır oldu”.

Futbolxeber.az saytının məlumatına görə, bu sözləri minifutbol milli komandamızın hücumçusu Mirmehdi Rzayev Bakıda təşkil olunan dünya çempionatında keçirdikləri ilk matçla bağlı danışarkən deyib.

Bəhreynlə görüşdə yığmamızın yeganə qolunun müəllifi olan hücumçu Bəhreynlə 1:1 hesabı ilə yekunlaşan görüşü belə şərh edib:

“Rəqibin bəxti gətirdi. Hücum futbolu oynayırdıq. Adi bir səhvdən qol buraxdıq. Təəssüf ki, bu gün belə alındı. Azarkeşlərin önündə oynamaq çətin oldu. Amma inanıram ki, növbəti qarşılaşmalarda qələbə qazanacağıq. Komandamıza inanıram".