Mahir Şükürov: “Çox istərdim ki, millimiz dünya çempionu olsun”

“Təşkilatçılara təşəkkürümü bildirirəm. Çox sağ olsunlar azarkeşlər də bizə əladə dəstək oldular. “Forza Neftçi” üçün darıxmışdıq”.

Futbolxeber.az saytına müsahibəsində bu sözləri Azərbaycan Minifutbol Federasiyasının təşkilatçılığı ilə keçirilən “Legends Cup”da “Premyer Liqa məşqçiləri” ilə qarşılaşmada “Neftçi 2000-lər”in heyətində forma geyən Mahir Şükürov deyib.

O bildirib ki, bu cür oyunlar tez-tez təşkil edilməlidir: “Çoxdandır veteranlarla biryerdə oynamırdıq. Həm oynayırdıq, həm də kədələnirdik. Bizdən böyüklər də var idi meydanda. Ağasəlim müəllimə dedim ki, belə oyunlar nə qədər tez-tez keçirilsə, yaxşı olar, həm bizim üçün, həm də gələcək nəsillər üçün. Maraqlı oyun oldu. Hamı razı qaldı”.

Veteran futbolçu dünya çempionatında milli komandamıza dəstək olacaqlarını söyləyib: “Millimiz üçün çətin olacaq. Güclü rəqiblər var. Milli komandamıza uğurlar arzulayıram. Biz də onlara dəstək olacağıq. Çox istərdim ki, millimiz dünya çempionu olsun. İnanıram ki, azarkeşlər də arenanı doldurub komandamıza dəstəklərini nümayiş etdirəcəklər”.

Fərəc Aslanov