Gimnastika Arenasında “ulduz döyüşü”: Premyer Liqa məşqçiləri penaltilərlə sevindi

Bakıda minifutbol üzrə dünya çempionatına həsr olunan ölkə futbolunun əfsanələri arasında oyun keçirilib.

Futbolxeber.az saytının məlumatına görə, Azərbaycan Minifutbol Federasiyasının təşkilatçılığı ilə keçirlən “Legends Cup”da “Neftçi 2000-lər” və “Premyer Liqa məşqçiləri”i qarşılaşıb.

Gimnastika Arenasında oynanılan matçda  “Neftçi 2000-lər”in baş məşqçisi Ağasəlim Mircavadov olub. Komandada Rəşad Sadiqov, Zaur Tağızadə, Tərlan Əhmədov, Vidadi Rzayev, Mahir Şükürov, Ruslan Abışov, Emin Quliyev, Rəşad Abdullayev, Hüseyn Məhəmmədov, Rail Məlikov, Samir Əliyev, Samir Ələkbərov, Bəxtiyar Musayev, Mahmud Qurbanov meydana çıxıb.

Kurban Berdıyevin baş məşqçi olduğu “Premyer-liqa məşqçiləri" komandasının heyətində isə Qurban Qurbanov, Elçin Rəhmanov, Elvin Məmmədov, Vaqif Cavadov, Ayxan Abbasov, Rəşad Sadıqov, Müşfiq Hüseynov, Əfran İsmayılov, Yunis Hüseynov və Azər Bağırov, Samir Abasov, Fərhad Vəliyev, Elmar Baxşıyev yer alıb.

Oyunda hesabı “Premyer Liqa məşqçiləri” komandasında Əfran İsmayılov açıb. “Neftçi 2000-lər”in heyətində isə Rəşad Sadiqov bərabərlik qolunu vurub.

Penalti seriyasında daha dəqiq olan “Premyer Liqa məşqçiləri” 3:2 hesabı ilə qalib gəliblər. Həlledici dəqiq zərbəni Rəşad Sadıqov yerinə yetirib.