Azərbaycan Premyer Liqasında ikinci tur start götürür

Bu gün Azərbaycan Premyer Liqasında 2-ci tura start veriləcək.

Futbolxeber.az saytının məlumatına görə, ilk oyun günündə iki matç keçiriləcək.

Əvvəlcə “Qəbələ” öz meydanında “Şəfa”nı qəbul edəcək. Hər iki komanda ilk turda uduzub. “Qəbələ” “Turan Tovuz”a (0:1), “Şəfa” isə “Zirə”yə (0:2) məğlub olub.

Digər qarşılaşmada isə “Zirə” doğma divarlar arasında “İmişli”ni sınağa çəkəcək.

Azərbaycan Premyer Liqası

II tur

22 avqust (şənbə)

18:30. “Qəbələ” - “Şəfa”

Hakimlər: İnqilab Məmmədov, Rahil Ramazanov, Gülnurə Əkbərzadə, Rəvan Həmzəzadə

Qəbələ şəhər stadionu

20:45. “Zirə” - “İmişli”

Hakimlər: Əli Əliyev, Pərvin Talıbov, Kərim Zeynalov, İslam Məmmədov

Zirə İdman Kompleksinin stadionu

23 avqust (bazar)

“Turan Tovuz” - “Şamaxı”

“Neftçi” - “Araz-Naxçıvan”

Qeyd edək ki, ikinci turda keçirilməli olan “Sabah” - “Sumqayıt” və “Qarabağ” - “Kəpəz” oyunları təxirə salınıb. "Sabah" Çempionlar Liqası, "Qarabağ" isə Konfrans Liqasındakı oyunlarına görə bu tur meydana çıxmayacaq.