“Neftçi” sloveniyalı müdafiəçi ilə maraqlanır?

Ukraynanın “Veres” klubunun futbolçusu Kay Çipot karyerasını “Neftçi”də davam etdirə bilər.

Futbolxeber.az saytının məlumatına görə, bu haqda Ukrayna mətbuatı yazıb.

Bildirilib ki, 25 yaşlı mərkəz müdafiəçisi “ağ-qaralar”ın maraq dairəsindədir.

“Neftçi”nin baş məşqçisi Yuri Vernidub Sloveniyanın gənclər millisinin sabiq üzvünü sərəncamında görmək istəyir.

Qeyd olunub ki, “Neftçi” Çipotun transferi üçün futbolçunun həm özü, həm də klubu ilə danışıqlara başlayıb.

Qeyd edək ki, Kay Çipotun “Veres”lə müqavilə müddəti 2028-ci ilin yayına qədərdir.