“Ağdaş”ın baş məşqçisinə 5 oyunluq cəza

AFFA İntizam Komitəsi 2-ci liqada mübariazə aparan "Ağdaş" klubunun baş məşqçisi Ruslan Hüseynovu cəzalandırıb.

Futbolxeber.az saytının məlumatına görə, II Liqanın 22-ci turunda “Kür-Araz”la keçirilən oyunun 49-cu dəqiqəsində “Ağdaş” klubunun baş məşqçisi Ruslan Hüseynov hakimin qərarına etiraza görə birbaşa qırmızı vərəqə aldıqdan sonra hakimləri təhqir etdiyinə görə 5 oyun cəzalanıb, “Ağdaş” klubu isə 400 manat cərimə edilib.

Qeyd edək ki, "Kür-Araz" - "Ağdaş" matçı meydan sahiblərinin 3:2 hesablı qələbəsi ilə başa çatıb. "Ağdaş" hazırda 20 xalla 10-cu pillədə qərarlaşıb.