"Hər kəs soruşur ki, Foqts sənə niyə dəvət göndərmir?"

"Bu sualı çoxları mənə verir. Hər kəs soruşur ki, Foqts sənə niyə dəvət göndərmir? Vallah, bunun cavabını heç özüm də bilmirəm. Mənə də qaranlıq qalır ki, Foqts niyə mənə dəvət göndərmir?". Bu sözləri Futbolxeber.az saytına verdiyi müsahibədə "Simurq"un aparıcı futbolçusu Aleksandr Şemonayev deyib.

Şemonayev qeyd edib ki, buna baxmayaraq, böyük səbrsizliklə yığmadan dəvət gözləyir: "Amma ruhdan düşmürəm. Məşqlərdə də səylə çalışıram, əlimdən gələni edirəm ki, yığmaya dəvət alım. Hər bir futbolçu kimi mənim də məqsədim yığmada çıxış etməkdir. İnanıram ki, gələcəkdə mən də milli komandaya dəvət alacağam".

QEYD: Aleksandr Şemonayevin müsahibəsi ilə bir qədər sonra saytımızda tanış ola biləsiniz.