“Zirə” “Şamaxı”nı məğlub etdi

Azərbaycan Premyer Liqasında 33-cü turun oyunları davam edir.

Futbolxeber.az saytının məlumatına görə, bu gün turun daha 1 matçı keçirilib.

"Şamaxı" öz meydanında "Zirə"ni qəbul edib. Matç qonaqların böyük hesablı qələbəsi ilə başa çatıb. Bu qələbə sayəsində “Zirə” 4-cü yer uğrnda mübarizəsini davam etdirdiyi halda, hazırda 9-cu pillədə qərarlaşan “Şamaxı” Premyer Liqada qalmaq şansını bir qədər də çətinləşdirib.

Qeyd edək ki, dünən start götürən turun digər qarşılaşmaları 7-8 may tarixlərində keçiriləcək.

Azərbaycan Premyer Liqası

XXXIII tur

6 may (şənbə)

“Şamaxı” - “Zirə” - 0:3

Qollar: Vladislav Kulaç, 35, Hamidu Keyta, 54, Rüstəm Əhmədzadə, 82

Hakimlər: Cavid Cəlilov, Kamran Bayramov, Vüsal Məmmədov, Kamranbəy Rəhimov

Şamaxı şəhər stadionu

7 may (bazar)

15:00. “Turan Tovuz” - “Neftçi”

19:00. “Sumqayıt” - “Səbail”

8 may (bazar ertəsi)

20:00. “Qarabağ” - “Qəbələ”

5 may (cümə)

“Kəpəz” - “Sabah” - 0:3

Bombardirlər: Musa Qurbanlı ("Qarabağ") - 20 qol, Ramil Şeydayev ("Qarabağ") - 19 qol, Aleksey Kaşuk ("Sabah"), Coy Lens Mikels ("Sabah") - 17 qol, Emin Mahmudov ("Neftçi") - 16 qol