“Neftçi”yə hörmətimiz var”

“Çox yaxşı vəziyyətdə olduğumuzu hiss edir və özümüzü sabahkı qarşılaşmaya hərtərəfli hazır sayırıq. Gündən-günə yaxşı vəziyyətdə olduğumuzu və xüsusən, fiziki cəhətdən hazır duruma gəldiyimizi bildiririk”.

Futbolxeber.az saytının məlumatına görə, bunu Yunanıstan "Olimpiakos"unun baş məşqçisi Pedro Martins evdə "Neftçi" ilə keçirəcəkləri UEFA Çempionlar Liqasının II təsnifat mərhələsinin ilk oyunundan əvvəl mətbuat konfransında deyib.

Portuqaliyalı mütəxəssis bildirib ki, azarkeşlərin tribunalara bir ildən sonra qayıdışına sevinirlər: "İnanırıq ki, onların bizə köməkləri dəyəcək. Biz də uğurlu nəticə üçün əlimizdən gələni edəcəyik".

41 yaşlı baş məşqçi "Neftçi"ni diqqətlə yanaşdıqlarını söyləyib: "Rəqibin futbolçuları güclüdürlər və onlara hörmətimiz var. Universal futbolçulara malikdirlər. Amma biz daha çox öz oyunumuza diqqət yetiririk" ("Report").