Amid Səfərov: “Qəbələ” ilə əməkdaşlıq bizim üçün qürurvericidir”

“Jalə” müstəqillik dövrünün ilk istehsalçı markalarından biridir. Yarandığı gündən bazarda öz mövqeyini qorumuş markadı. Dünyanın 20-dən çox ölkəsində satışı təşkil olunan Azərbaycan markasıdır. Şirkətimiz müstəqil marketinq siyasəti yürüdür”.

Futbolxeber.az saytının məlumatına görə, bu sözləri “Qəbələ” ilə sponsorluq müqaviləsi imzalayan “Jalə” şirkətinin marketinq direktoru Amid Səfərov deyib.

A.Səfərov qeyd edib ki, “Jalə” şirkəti üçün “Qəbələ” klubu ilə müqavilə imzalamaq qürurvericidir: “Aparılan danışıqlardan sonra “Qəbələ” İdman Klubu ilə əməkdaşlıq etməyi qərara aldıq. Bu gün bizim üçün qürurverici bir məqamdır. Azərbaycan idmanın inkişafına dəstəyimizi veririk. Eyni zamanda, “Qəbələ” Azərbaycan idmanına dəstək verən bir klubdur. Çox sevindirici haldır ki, 2 köklü, tanınmış brend əməkdaşlığa başlayır”.

Şirkət rəsmisi “Qəbələ” ilə imzalanan müqavilənin 1,5 illik olduğunu bildirib. İmzalanan müqavilənin 51 faizinin ölkə idmanına dəstək olduğunu söyləyən Amid Səfərov “Qəbələ”dən təkcə ölkə daxilində deyil, ölkə xaricində də uğur gözlədiklərini vurğulayıb.