Kosovolu futbolçu "Futbolxeber"ə danışdı: "Azərbaycanla qrupda çətin mübarizəmiz getsə də.."

Kosovo millisinin üzvü Benjamin Kololli Futbolxeber.az saytına açıqlama verib.

26 yaşlı futbolçu Azərbaycan millisinə qarşı keçirilən görüş haqda danışıb. Onun sözlərinə görə Kosovo Azərbaycan yığması ilə oyunda layiqli qələbə qazanıb:

“Azərbaycanla görüşə ciddi hazırlaşmışdıq. Həmin gün biz yalnız qələbə haqda düşünürdük. Çox gözəl qələbə qazandıq və ölkəmizi sevindirə bildik. Ümidvaram ki, bu qələbə bizim böyük qələbələrimizin ilk addımı idi. Azərbaycanla oyundakı əsas üstünlüyümüz ilk dəqiqədə qol vurmağımız oldu. Belədə işimiz daha da asanlaşmışdı. Azərbaycanla qrupda çətin mübarizəmiz getsə də, sonda biz qalib ola bildik”.