“Qələbəni Tale Heydərova həsr etmək istəyirik”

“Qəbələ”nin hücumçusu Ruslan Qurbanov ölkə kubokunun yarımfinal mərhələsində “Neftçi” üzərində qazandıqları parlaq qələbəni klub prezidenti Tale Heydərova həsr edib.

Futbolxeber.az saytının məlumatına görə, bununla bağlı Qurbanov “Facebook”da yazıb:

“Bu gün əla gün idi. Bu qələbəni klubumuzun prezidenti cənab Tale Heydərova həsr etmək istəyirik. Hər zaman bizə dəstək olmusuz və buna görə sizə minnətdarıq. Çox az qalıb və biz əlimizdən gələni edəcəyik ki, “Qəbələ” ilk kubokunu qazansın.

Eləcə də bütün rəhbərliyə, azarkeşlərə və bu cür gözəl oyuna görə komanda yoldaşlarıma təşəkkür edirəm. Bu gün Tanrı bizim tərəfimizdə idi”.

Xatırladaq ki, ilk oyunda “Neftçi”yə öz meydanında 1:2 hesabı ilə uduzan “Qəbələ” səfərdə 3:1-lik qələbə sayəsində mərhələ adlayıb. Mayın 28-də keçiriləcək həlledici görüşdə Roman Qriqorçuk “Keşlə” ilə üz-üzə gələcək.