“Neftçi” “Böyük oyun”da mərhum əməkdaşlarını yad etməməsinin səbəbinin açıqladı

"Neftçi"nin bu gün Azərbaycan Premyer Liqasının XXI turu çərçivəsində "Xəzər Lənkəran"la qarşılaşıb. Futbolxeber.az-ın məlumatına görə, 6 il əvvəl, məhz 13 fevral tarixində "Karvan"la oyundan qayıdarkən, “Neftçi”nin əməkdaşları avtomobil qəzasına düşüblər. Şamaxı - Bakı yolunda "Neftçi"nin hazırkı icraçı direktorunun müavini Mübariz Xudiyevin idarə etdiyi maşındərəyə aşıb. Nəticədə klubun mətbuat xidmətinin əməkdaşı Alim Məmmədov və kadrlar şöbəsinin əməkdaşı Vahid Həmidov dünyasını dəyişib. Qəzada xəsarət alanlar arasında klubun sabiq operatoru Dadaş Zeynalov da olub.

Lakin bu gün baş tutan “Böyük oyun”da gözlənilənlərin əksinə olaraq, “Neftçi” mərhum əməkdaşlarını yad etməyib. Bunun səbəbini öyrənmək üçün "Neftçi"nin Mətbuat və İctimaiyyətlə Əlaqələr Departamentinin rəhbəri Mehman Rəsulova müraciət etdik. Klub rəsmisi saytımızda açıqlamasında məsələyə belə aydınlıq gətirdi:

“Təbii ki, həm Alimin, həm də Vahidin xatirəsi “Neftçi” üçün əzizdi. Onların xatirəsi əbədi olaraq yaşayacaq. Bu gün onları rəsmi saytımız vasitəsi ilə yadd etdik. Lakin “Xəzər Lənkəran” oyunda hər hansı bir addım atılmadı. Buna ehtiyac duymadıq”.