“Bakı” istirahətə çəkildi, futbolçular maaş gözləyir

Dünən Azərbaycan Premyer Liqasının 22-ci turu çərçivəsində “İnter”ə uduzan “Bakı”, istirahətə çəkilib. Bu haqda Futbolxeber.az saytına “zolaqlılar”ın mətbuat xidmətinin rəhbəri İsgəndər İsgəndərov məlumat verib. Klub rəsmisi bildirib ki, komanda 2 gün istirahət edəcək. “Bakı”nın digər klublardan fərqli olaraq istirahətə çəkilməsi səbəbsiz deyil. Çünki digər Premyer Liqa klublarından fərqli olaraq, “Bakı” 23-cü turda istirahət edəcək. Paytaxt klubu növbəti oyununu fevralın 28-də səfərdə “Xəzər Lənkəran”a qarşı keçirəcək.

Qeyd edək ki, “Bakı”nın futbolçuları hazırda maaşlarını gözləyirlər. Qarşıdakı günlərdə komanda üzvlərinə əmək haqqları paylanılmalıdır.