Coşqun Diniyev: “Bütün çempionat ərzində elə bunun üçün çalışırdım”

“İnter”in gənc yarımmüdafiəçisi Coşqun Diniyev ilk dəfə olaraq milli komandamıza dəvət almasına münasibət bildirib. C.Diniyev Futbolxeber.az saytına verdiyi açıqlamada Robert Prosineçkinin diqqətini cəlb etdiyi üçün şad olduğunu qeyd edib: “Birinci dəfədir ki, əsas milliyə dəvət alıram. Bu, mənim üçün sevindirici haldır. Bütün çempionat ərzində elə bunun üçün çalışırdım. Millinin məşqçilərinin dəqqətini çəkməyi, yığmaya dəvət almağı çox istəyirdim. Şadam ki, istəyimə çatdım. Millinin formasını geymək hər bir futbolçu üçün şərəfdir”.