“Neftçi” Ernest Nforu əfv etdi

“Neftçi” klubu bir müddət əvvəl əvəzedici heyətə göndərilən Ernest Nforla bağlı məlumat yayıb. Futbolxeber.az-ın məlumatına görə, klubun rəsmi saytında yer alan açıqlamada deyilir:   

- "Neftçi"nin futbolçusu Ernest Vebnje Nfor əvəzedici komandanın məşqlərində səylə iştirak etmiş və meydana çıxdığı oyunlarda fərqlənib. Əvəzedici komandanın son iki qələbəsində pay sahibi olan futbolçu, baş məşqçi Arif Əsədova müraciət edərək yenidən əsas komandaya qayıtmaq istədiyini və özünü sübut etmək üçün ona şans verilməsini istəyib. Bu müraciətdən sonra məşqçilər korpusunun təqdimatına əsasən futbolçunun əsas komandaya qaytarılmasına qərar verilib.

Xatırladaq ki, Ernest Nfor bir müddət öncə məşqlərdə və oyunlarda peşəkar səviyyəsindən aşağı çıxış etməsi və intizamsızlığı səbəbindən məşqçilər korpusunun təqdimatına əsasən əvəzedici heyətə göndərilib.