"Neymarın alışından sonra Messi satılmalıdı"

"Barselona"nın keçmiş baş məşqçisi Yuhan Kruiff Neymarın Kataloniya klubuna keçidini şərh edib. Futbolxeber.az-ın məlumatına görə, Hollandiya futbolunun canlı əfsanəsi bildirib ki, "Barsa" Messini satmalıdır: "Neymarın alışından sonra mən Messini satardım. Bu fikrimlə kimsə razılaşa bilər, kimsə də yox. Amma bu cür hallarda ən xırda məqamları da nəzərə almaq lazımdır. Sadə bir nümunə - cərimə zərbələri. Neymar sübut edib ki, bu komponentdə Messidən heç də zəif deyil. İndi "Barselona"nın heyətində cərimə zərbələrini kim yerinə yetirəcək? Bundan başqa həm Neymarın, həm də "Barselona"nın "Nike" ilə, Messinin isə "Adidas"la müqaviləsi var ki, bu məqam gələcəkdə komanda üçün problemə çevrilə bilər".