Premyer Liqa klublarından rekord: transferlərə 1 milyard funt xərcləndi

İngiltərə Premyer Liqasının klubları yay transfer pəncərəsi zamanı 1 milyard funt xərcləyiblər. Futbolxeber.az saytının məlumatına görə, bu, turnirin tarixində rekorddur.

Premyer Liqada yayın ən bahalı 4 transferi sırasına Pol Poqbanın 105 milyon avroya “Mançester Yunayted”ə keçidi, Con Stounzun 56 milyon avroya “Mançester Siti”yə keçidi, Leroy Sanenin 49 milyon avroya “Mançester Siti”yə keçidi, Qranit Cakanın 45 milyon avroya “Arsenal”a keçidi daxildi.

Bundan başqa, Premyer Liqanın 20 klubundan 12-si yayda transfer rekordunu yeniləyib.