FİFA Azərbaycan millisinə qol vuran futbolçuya görə 1,6 milyon avro ödəyəcək

FİFA “Real”a 1,6 milyon avro təzminat ödəyəcək. Futbolxeber.az-ın məlumatına görə, ali futbol qurumu Luka Modriçin zədəsinə görə xərcə düşəcək. Xorvatiya millisinin üzvü Avro-2016-nın seçmə mərhələsi çərçivəsində İtaliyaya qarşı baş tutan oyunda xəsarət alıb. FİFA-nın klubların müdafiəsi proqramına əsasən millinin oyunu zamanı zədə alan futbolçuya FİFA tərəfindən təzminat ödənilir. Lakin bu o halda ödənilir ki, futbolçunun müalicə müddəti 28 gün və ya daha artıq müddəti əhatə edir. Modriç isə İtaliya ilə oyunda aldığı zədəyə görə 3 ay yaşıl meydanlardan kənarda qalacaq.

Qeyd edək ki, oktyabrın 14-də millimizə qarşı baş tutan oyunda xorvatların beşinci qolunu Modriç vurub. “Real”lı futbolçu 56-cı dəqiqədə penaltidən yığmamızı məyus edib.