Hafiz Məmmədovun komandası üçün sərfəli nəticə

Fransa çempionatında 13-cü tura start verilib. Futbolxeber.az-ın məlumatına görə, turun açılış oyununda “Renn” “Loryen”i 1:0 hesabı ilə məğlub edib. Görüşün taleyini həll edən yeganə qolu 89-cu dəqiqədə Pedro vurub.

Bu qələbə sayəsində xallarının sayını 19-a çatdıran “Renn” turnir cədvəlində 7-ci pilləyə yüksəlib. 10 xala malik “Loryen” isə 18-ci pillədə qalıb. “Loryen”in yenilgisi Hafiz Məmmədovun sahibi olduğu “Lans”a sərf edir. Çünki hazırda “Lans”ın 11 xalı var və komanda 17-ci pillədə qərarlaşıb. Əgər, “Loryen” “Renn” səfərindən xalla qayıtsaydı, o zaman Hafiz Məmmədovun komandası təhlükəli zonaya enəcəkdi.

Qeyd edək ki, 13-cü tur çərçivəsində “Lans” sabah öz meydanında “Bordo”nu qəbul edəcək. Matç Bakı vaxtı ilə 20:00-da start götürəcək.