“Synergy Baku”nun üzvü: “Əlimizdən gələni edəcəyik ki, Averin yenidən qalib olsun”

“Yenidən bura qayıtdığım üçün çox şadam. Geridə qalan müddətdə komandamız daha da güclənib”. Futbolxeber.az saytına açıqlamasında bu sözləri “Synergy Baku”nun üzvü Kirill Pozdnyakov deyib.

Yenidən Azərbaycan təmsilçisinin uğurları üçün çalışan Pozdnaykov qeyd edib ki, hazırda “Synergy Baku”nun heyətində istedadlı gənclər var: “Hazırda “Synergy Baku”nun heyətində çox bacarıqlı gənc idmançılar yetişib. 1-2 ildən sonra onlar öz sözlərini deyəcəklər. Azərbaycanda velosiped idmanı durmadan inkişaf edir”.

Kirill Pozdnyakov dünənki mərhələdə olduğu kimi. III turda da komanda yoldaşı Maksim Averinin qələbə qazanmasını istəyir: “Dünənki mərhələ bizim üçün çox uğurlu alındı. Bu gün də həmin uğuru təkrarlamaq istəyiri. Əlimizdən gələni edəcəyik ki. Maksim Averin yenidən qalib olsun”.