“Neftçi” İK vahid lider oldu

Futzal üzrə Yüksək Liqada XV turun oyunları keçirilib.

Futbolxeber.az saytının məlumatına görə, III dövrənin son turunun ilk matçında medallar uğrunda mübarizə aparan “Baku Fire” “Şuşa” ilə qarşılaşıb. Gərgin və qol epizodları ilə zəngin olan matçda “Baku Fire” 3 xalı aktivinə yazdırıb.

Turun mərkəzi oyununda eyni xala malik və turnir cədvəlinin ilk iki pilləsində qərarlaşan komandalar qarşılaşıb. Birinci hissədən sonra “Araz-Naxçıvan” lider olsa da, fasilədən sonra geridönüş edən “Neftçi” İK qələbə qazanmaqla vahid lider olub.

Günün sonuncu matçı isə baş tutmayıb. “Lənkəran” komandası təyin olunan vaxtda meydana çıxmadığına görə, U-19-la matçın nəticəsi barədə AFFA-nın İntizam Komitəsi qərar verəcək.

19 mart

“Baku Fire” - “Şuşa” - 8:4

Qollar: Kənan Manafov, 2:18, Ümid Qəhrəmanov, 8:58 ö/q, Məhəmməd Abbasov, 9:25, 24:55, 25:16, 32:21, Rüfət Məmmədli, 16:41, Nurlan Məmmədov, 28:32 // Sadegh Javiditabar, 4:05, 20:59, Namiq Məmmədkərimov, 18:40, Anar İsayev, 26:07

“Araz-Naxçıvan” - “Neftçi İK” - 2:4

Qollar: Filipe, 10:09, Emil Həsənzadə, 13:41 ö/q // Fərid Atakişiyev, 10:45, Markus Vinisius, 25:31, 30:23, Allef Maiolli, 39:36