“Araz-Naxçıvan” Çempionlar Liqasına darmadağınla başladı

Futzal üzrə UEFA Çempionlar Liqasının ilkin mərhələsində yer alan “Araz-Naxçıvan” bu gün mübarizəyə başlayıb.

Futbolxeber.az saytının məlumatına görə, Azərbaycan çempionu Avstriyada keçirilən qrup mərhələsinin ilk turunda Şimali İrlandiyanın “Sparta Belfast” klubu ilə qarşılaşıb. Görüş Naxçıvan klubunun 9:1 hesablı qələbəsi ilə başa çatıb.

27 avqust

"Araz-Naxçıvan" – "Sparta Belfast" (Şimali İrlandiya) - 9:1

Qollar: Alleks Rezende, 2:35, 31:03, Ülvi Əliyev, 3:53, 33:21, Karlos Bertuola, 10:30, 18:34, 30:10, Aleks Teyxeyra, 11:10, Jean Perruzo, 37:04 - Con Gibson, 21:55

Linz. NMS İdman Sarayı

Qeyd edək ki, reqlamentə əsasən, yalnız qrup qalibi əsas mərhələyə yüksələcək. "Araz-Naxçıvan" sabah Şotlandiyanın "PYF Saltires", avqustun 30-da isə yerli "Ljuti Krajişniçi" klubu ilə üz-üzə gələcək.