Naxçıvanda futzal turnirində növbəti mərhələyə yüksələn komandalar müəyyənləşib

Naxçıvanda futzal turnirində növbəti mərhələyə yüksələn komandalar bəlli olub.

Futbolxeber.az saytının məlumatına görə, Ümummilli lider Heydər Əliyevin anadan olmasının 102-ci ildönümünə həsr olunmuş “Heydər Əliyev Kuboku” uğrunda futzal turnirində qrup mərhələsi başa çatıb. Muxtar Respublikada fəaliyyət göstərən dövlət qurumlarının əməkdaşları arasında təşkil olunan turnirdə hər qrupdan iki komanda 1/4 yüksəlməyə nail olub.

A qrupunda Mədəniyyət Nazirliyi, B qrupunda Təhsil Nazirliyi, C qrupunda Ədliyyə Nazirliyi, D qrupunda isə Dövlət Vergi Xidməti birinci yerin sahibləri kimi, Səhiyyə, Fövqəladə Hallar, İqtisadiyyat nazirlikləri və Dövlət Energetika Xidməti isə qrup ikinciləri qismində pley-offa adlayıblar.

14 iyun 2025-ci il tarixində baş tutacaq 1/4 final oyunlarında aşağıdakı komandalar qarşılaşacaq:

10:00. Mədəniyyət Nazirliyi - Dövlət Energetika Xidməti

11:00. Ədliyyə Nazirliyi - Səhiyyə Nazirliyi

12:00. Təhsil Nazirliyi - İqtisadiyyat Nazirliyi

13:00. Dövlət Vergi Xidməti - Fövqəladə Hallar Nazirliyi