“Araz-Naxçıvan” Özbəkistan millisinin üzvü ilə anlaşdı

Mövsümlərarası fasilədə Luka Pavloviç və Ninoslav Aleksiçi “rənglərinə bağlayan” “Araz-Naxçıvan” daha bir legionerlə ortaq məxərəcə gəlib.

Futbolxeber.az saytının Sport24.az-a istinadən verdiyi məlumata görə, son illərin dəyişməz çempionu Xusniddin Nişonovla müqavilə bağlayıb.

Avqustun 22-dən 27-dək Latviyada keçiriləcək Çempionlar Liqasının ilkin mərhələsində mübarizə aparacaq Naxçıvan təmsilçisinin yeni legionerinin son klubu Özbəkistan çempionu BMB olub. Futzalçı həm də Özbəkistan millisinin üzvüdü. Xusniddin artıq komandanın məşqlərinə qoşulub.

Qeyd edək ki, Vitali Borisovun baş məşqçi olduğu kollektiv Çempionlar Liqasının ilkin təsnifat mərhələsində “İstanbul Şişli” (Türkiyə), “Yan Regensburq” (Almaniya) və “Riqa” (Latviya) ilə birgə A qrupunda mübarizə aparacaq. Qrup qalibləri və ən yaxşı 2-ci nəticənin sahibi əsas mərhələyə vəsiqə əldə edəcək.