“Komandam Azərbaycana qarşı yaxşı oynadı”

“Yaradılan şəraitə və qonaqpərvərliyə görə Azərbaycana təşəkkürümüzü bildiririk. Biz futzal yarışlarında iddialı ölkələrdən hesab edilmirik. Bu cür turnirlərdə təcrübəmizi artırırıq”.

Futbolxeber.az saytının məlumatına görə, bu sözləri futzal üzrə Monteneqro milli komandasının baş məşqçisi Sveto Ljesar deyib.

O, dünya çempionatının seçmə mərhələsində Azərbaycan yığmasına 2:3 hesabı ilə uduzduqları görüşü belə şərh edib:

“Komandam Azərbaycana qarşı yaxşı oynadı. Amma Slovakiya ilə görüşü çox pis keçirmişdik. Artıq Azərbaycan və Slovakiya vəzifəsinin öhdəsindən gəlib. Məncə, komandanız qrupu birinci pillədə başa vuracaq. Çünki Azərbaycan millisi fərqli oyun nümayiş etdirir. Ümumiyyətlə, millinizin dünya çempionatının final mərhələsinə yüksəlmək üçün yaxşı şansı var”.