Duran: “Seltik”də oynayan ilk kolumbiyalı olmaq mənim üçün böyük şərəfdir”

“Seltik” Kamilo Duranın transferini rəsmən açıqlayıb.

Futbolxeber.az saytının məlumatına görə, 24 yaşlı futbolçu keçidi ilə bağlı Şotlandiya klubunun mətbuat xidmətinə danışan Kamilo Duran deyib:

“Çempionlar Liqasında oynamaq gerçəkləşən arzu idi. Uşaqlıqdan belə turnirlərdə çıxış etməyi xəyal edirsən. Orada qol vurmaq inanılmaz idi və mən bunu burada da davam etdirmək istəyirəm. Hər oyunda maksimum gücümlə çıxış edirəm, çox çalışıram və ümid edirəm ki, qollar gələcək.

“Seltik”də oynayan ilk kolumbiyalı olmaq mənim üçün böyük şərəfdir. Uşaqlıqdan millidə çıxış etməyi arzulamışam və ümid edirəm ki, burada uğurlu çıxış edərək bir gün bu arzuma da çatacağam”.