Qriqorçuk və Berdıyev 1 xalla başladı, "Sumqayıt" "Kəpəz"ə qalib gəldi

Azərbaycan Premyer Liqasında 2024/25 mövsümünün ilk turu davam edir.

Futbolxeber.az saytının məlumatına görə, ikinci oyun günündsə daha 2 matç keçirilib.

Əvvəlcə "Neftçi" "Turan Tovuz"u qəbul edib. Bu matç hər iki komandanın baş məşqçisinin debütu ilə yadda qalıb. Belə ki, Roman Qriqorçuk “Neftçi”də, Kurban Berdıyev isə “Turan Tovuz”da debüt edib. Matç qolsuz bərabərliklə başa çatıb.

Günün digər matçında isə ötən mövsümün ən yaxşılarından olan "Sumqayıt" "Kəpəz"lə üz-üzə gəlib. Hər hissədə 1 qol vuran Samir Abasovun komandası mövsümə 3 xalla başlayıb.

Qeyd edək ki, dünən start götürən yeni mövsümün açılış turuna sabah keçiriləcək 2 matçla yekun vurulacaq.

Azərbaycan Premyer Liqası

I tur

3 avqust (şənbə)

“Sumqayıt” - “Kəpəz” - 2:0

Qollar: Səbuhi Abdullazadə, 14, Rəhim Sadıqov, 71

Hakimlər: Kamal Umudlu, Vüsal Məmmədov, Rəhman İmami, Rauf Allahverdiyev

Mehdi Hüseynzadə adına Sumqayıt şəhər stadionu

"Neftçi” - “Turan Tovuz” - 0:0

Hakimlər: Əliyar Ağayev, Zeynal Zeynalov, Akif Əmirəli, Kamranbəy Rəhimov

“Neftçi Arena”

17:30. “Sabah” - “Şamaxı”

20:00. “Zirə” - “Səbail”

2 avqust (cümə)

“Araz Naxçıvan” - “Qarabağ” - 1:4