“Səbail” “Ərzurumspor” və “Hatayspor”la qarşılaşacaq

"Səbail” PFK-nın 2024/2025-ci illər mövsümü üçün yay hazırlıq planı bəlli olub.

Futbolxeber.az-ın klubun feysbuk səhifəsinə istinadən verdiyi məlumata görə, Şahin Diniyevin rəhbərliyi altında iyunun  27-də bir araya gələcək komanda iyulun 3-nə qədər məşqlərini Bakıda keçirəcək.

“Dənizçilər” iyulun 5-də toplanışın ikinci mərhələsi üçün Türkiyəyə yola düşəcək. Ərzurumda baş tutacaq təlim-məşq toplanışında komanda 3 yoxlama oyununa çıxacaq. “Səbail” iyulun 11-də 1-ci Liqa təmsilçisi “Ərzurumspor”la, 13-də isə Türkiyə Super Liqası üzvlərindən “Hatayspor”la qarışlaşacaq.

Sonucu rəqib və oyunların başlama vaxtı ilə bağlı yaxın günlərdə məlumat veriləcək. Komandanın Ərzurum toplanışı iyulun 18-dək davam edəcək.