“Sumqayıt”ın futbolçusu millimizi məğlubiyyətdən xilas etdi

19 yaşadək futbolçulardan ibarət millimiz Moldovadakı yoldaşlıq turnirində sonuncu oyununa çıxıb.

Futbolxeber.az saytının məlumatına görə, millimiz Moldovanın U-19 komandası ilə üz-üzə gəlib. Görüş 1:1 hesablı heç-heçə ilə başa çatıb. Meydan sahibləri 83-cü dəqiqədə hesabda önə keçsələr də, “Sumqayıt”ın yarımmüdafiəçisi Nihat Əhmədzadənin 87-ci dəqiqədə vurduğu qol millimizi məğlubiyyətdən xilas edib.

Qeyd edək ki, U-19 turnirdə əvvəlcə Qazaxıstan yığmasına 2:0 hesabı ilə qalib gəlib, ikinci matçında isə Türkiyə millisinə məğlub olub - 0:5.