"Qarabağ" və "Keşlə"dən qələbə, "Neftçi" büdrədi, Zirədə heç-heçə

Bu gün azərbaycan Premyer Liqasında 24-cü turun oyunları keçirilib.

Futbolxeber.az saytının məlumatına görə, turun bütün görüşləri eyni gündə baş tutub.

Lider “Qarabağ” səfərdə “Qəbələ”nin qonağı olub. Meydan sahibləri 64 dəqiqə ərzində müqavimət göstərsə də, son yarım saatda "Qarabağ" rəqib qapısını top atəşinə tutub. Zədəsini yenicə bərpa edən Mahir Emreli 5 dəqiqəyə het-trik edib. 

"Keşlə" öz meydanında "Səbail"lə üz-üzə gəlib. 1:0 hesablı ilə qalib gələn "Keşlə" qələbə həsrətinə son qoymaqla, həm də turnir cədvəlində son pillədən qurtulub.

Lider "Qarabağ"ın əsas izləyicisi “Neftçi” isə rəqib meydanında “Sabah”la üz-üzə gəlib. 4 qolun, 3 penaltinin və 3 qırmızı vərəqənin olduğu görüşdə qalib aşkarlanmauyıb.

Turun daha bir vacib oyunu isə Zirədə keçirilib. Eyni xala malik olan və 3-4-cü pillələri bölüşdürən “Zirə” və “Sumqayıt”ın birincilərin meydanında üz-üzə gəliblər. 90 dəqiqə ərzində qapılara qol vurulmayıb.

Azərbaycan Premyer Liqası

XXIV tur

25 aprel (bazar)

“Zirə” - “Sumqayıt” 0:0

Hakimlər: İnqilab Məmmədov, Cavanşir Yusifov, Nahid Əliyev, Fərid Hacıyev

Zirə İdman Kompleksinin stadionu

“Qəbələ” - “Qarabağ” 0:5

Qollar: Xayme Romero, 64, Qara Qarayev, 68, Mahir Emreli, 87; 89; 90+1

Hakimlər: Elçin Məsiyev, Pərvin Talıbov, Müslüm Əliyev, Kamal Umudlu

Qəbələ şəhər stadionu

“Keşlə” - “Səbail” 1:0

Qol: Rəhman Hacıyev, 51 

Hakimlər: Rauf Cabarov, Namiq Hüseynov, Eyyub İbrahimov, Səbuhi Bayramov

“ASK Arena”

“Sabah” - “Neftçi” 2:2

Qollar: Təmkin Xəlilzadə, 24-pen (1:0), Ramil Şeydayev, 29 (2:0), Namik Ələsgərov, 36-pen (2:1); 60-pen (2:2)

Qırmızı vərəqələr: Bəhlul Mustafazadə, 68, Filip İvanoviç, 86, Təmkin Xəlilzadə, 88 (hamısı "Sabah")

Hakimlər: Vüqar Həsənli, Kamran Bayramov, Vüqar Bayramov, Kamranbəy Rəhimov

“Bank Respublika Arena”

Bombardirlər: Namik Ələskərov ("Neftçi") - 18 qol, Maahir Emreli ("Qarabağ") - 16 qol, Filip Ozobiç ("Qarabağ") - 11 qol, Əli Qurbani ("Sumqayıt") - 9 qol, Davit Volkov ("Zirə") - 8 qol