Obradoviç: “Bir qədər səbrli, soyuqqanlı olmalarını tapşırdıq”

“Oyunun gərgin keçəcəyini gözləyirdik. Bilirdik ki, rəqib daha çox müdafiə olunacaq, əks-hücumlarda qol vurmağa çalışacaqdı. Fasilədə uşaqlarla söhbətimizdə bunu onların diqqətinə çatdırdıq və bir qədər səbrli, soyuqqanlı olmalarını tapşırdıq”.

Futbolxeber.az saytının məlumatına görə, bu sözləri 21 yaşadək futbolçulardan ibarət milli komandamızın baş məşqçisi Milan Obradoviç deyib.

O, Avro-2021-in seçmə mərhələsində Lixtenşteyn üzərində qazandıqları 1:0 hesablı qələbəni belə şərh edib:

“Hücumlarımızı daha çox cinahlardan qururduq. İsveçrə ilə oyunda da hücumları cinahdan qurmuşduq, amma həmin görüşdə daha çox hava ötürmələrinə üstünlük vermişdik. Futbolçulara bu dəfə yerlə oynamağı tapşırmışdıq.

Bu gün satdiona bizi dəstəkləməyə gələn azarkeşlərə təşəkkür edirəm”.