"Neftçi"dən ardıcıl üçüncü qələbə, "Zirə" uduzdu

Topaz Premyer Liqasında IX turun oyunları davam edir. 

Futbolxeber.az saytının məlumatına görə, ikinci iyun günündə daha 2 görüş keçirilib.

Günün ilk oyunu Gəncədə baş tutub. Bu, "Kəpəz"in cari mövsümdə ilk ev qarşılaşması idi. Gəncə stadionunun qazonu dəyişdirildiyindən Şahin Diniyevin komandası ilk dəfə "Neftçi" ilə matçda doğma publika önünə çıxıb. Görüş qonaqların qələbəsi ilə başa çatıb - 1:0. Bu, "ağ-qaralar"ın ardıcıl 3-cü qələbəsidir.

Digər oyun isə Sumqayıtda keçirilib. Şəhərin eyniadlı komandası çempionatın uduzmayan iki kollektivindən biri olan "Zirə"ni sınağını çəkib. Meydan sahibləri bu görüşdə 2:1 hesablı qələbə qazanaraq "Zirə"nin məğlubiyyətsizlik seriyasını qırıb. 

Qeyd edək ki, tura sabah keçiriləcək "Qəbələ" - "Qarabağ" oyunu ilə yekun vurulacaq.

“Sumqayıt” - “Zirə” 2:1 
Qollar: Sadio Tounkara, 4 (0:1), Amil Yunanov, 38 (1:1), Vurğun Hüseynov, 83 (2:1)
 

“Kəpəz” - “Neftçi” - 0:1
Qol: Ruslan Abışov, 41
 

Bombardirlər: Mahir Mədətov ("Qarabağ") - 5 qol, Təmkin Xəlilzadə, ("Zirə") - 4 qol, Riçard Qadze ("Zirə") - 4 qol