"Xəzər Lənkəran" 26 qat ölkə çempionuna qarşı

Avroliqanın ilk təsnifat mərhələsində "Xəzər Lənkəran" Maltanın "Slima" klubu ilə qarşılaşacaq. Futbolxeber.az-ın məlumatına görə, Lənkəran klubunun rəqibinin əsası 1909-cu ildə qurulub. "Slima" Maltanın ən titullu klubudur. Komanda 26 dəfə ölkə çempionu olub və 20 dəfə kuboka sahib çıxıb. Eləcə də 3 dəfə ölkə superkubokunu qazanıb. Son mövsümü komanda dördüncü pillədə başa vurub.

"Slima" ev oyunlarını "Ta`Kali" stadionunda keçirir. Arenanın tamaşaçı tutumu 17 mindir. Klubun prezidenti Stiv Abela, baş məşqçisi isə italiyalı Alfonso Qrekodur. "Slima" ev oyunlarında mavi, səfərdə isə ağ rəngli formada oynayır.

"Slima" sonuncu dəfə 2009/2010 mövsümündə Avroliqada mübarizə aparıb. Həmin vaxt ilkin təsnifat mərhələsində Xorvatiyanın "Sibenik" klubu ilə qarşılaşan Malta təmsilçisi səfərdə qolsuz heç-heçəyə nail olsa da, öz meydanında 0:3 hesabı ilə uduzaraq mübarizəni dayandırmışdı.