İbrahim Uzunca: “Bu, hamıdan çox bizim xeyrimizə oldu”

“Bakı”nın baş məşqçisi İbrahim Uzunca klubun rəsmi saytına müsahibə verib. Futbolxeber.az-ın məlumatına görə, türkiyəli mütəxəssis davam edən təlim-məşq prossesinin gedişi barədə danışıb: “Bilirsiniz ki, Premyer Liqada fasilədir. Bu, hamıdan çox bizim xeyrimizə oldu. Çünki komandamız çempionata təlim-məşq toplanışı keçirmədən qatılmışdı. Ona görə də bu vaxtdan maksimum səmərəli istifadə etməyə çalışırıq. Təlim-məşq toplanışının ilk mərhələsini köməkçilərimlə birgə əsasən sürətli və texniki çalışmalar, həmçinin fərdi çatışmazlıqların aradan qaldırılması üçün təmrinlər üzərində  qurmuşuq. İkinci mərhələdə məşqlərdə intensivliyi səngidib əsasən taktiki çalışmalar üzərində işləyəcəyik”.