Azərbaycan millisinin üzvünə görə transfer qadağası

Türkiyənin 6 klubuna FİFA tərəfindən transfer qadağası qoyulub.

Futbolxeber.az-ın UEFA-nın saytına istinadən verdiyi məlumata görə, bu klublardan biri olan "Hatayspor" Azərbaycan millisinin futbolçusu Renat Dadaşova görə cəzalandırılıb.

Renat Dadaşov ötən mövsüm icarə əsasında Superliqa klubunda çıxış edib. Xəbərdə "Hatayspor"un Renatın transferində öhdəliklərini yerinə yetirmədiyinə görə iki mövsümlük transfer qadağası ilə üzləşdiyi bildirilib.

Klub İdman Arbitraj Məhkəməsinə müraciət edəndən sonra müsbət cavab alınsa, transfer işində maneə qalmayacaq.

Türkiyə klublarından "Adana Demirspor" (2), "Antalyaspor" (2), "Eyüpspor" (3), "Kayserispor" (3) və "Samsunspor" (2) da transferi qadağası ilə üzləşib.

Qeyd edək ki, hazırda Türkiyə 1-ci liqa təmsilçisi "Ankaragücü"də çıxış edən Renat Dadaşov 2023/2024 mövsümündə Hatay klubunun heyətində 31 oyunda 6 qol vurub.