“Real”ın yarımmüdafiəçisindən qalmaqallı açıqlama

“Real”ın yarımmüdafiəçisi Toni Kross qalmaqallı açıqlaması ilə gündəmə gəlib.

Futbolxeber.az saytının “Sports Illustrated”ə istinadən verdiyi məlumata görə, alman futbolçu heç vaxt Səudiyyə Ərəbistanıda çıxış etməyəcəyini bildirib: “Bəli, məni heç vaxt Səudiyyə Ərəbistanı klublarının heyətində görə bilməyəcəksiz. Bu ölkədə insan hüquqlarının tapdalanması səbəblərdən biridir”.

Kroos pul üçün Asiya ölkəsinə yollanan həmkarlarına söz atmağı da unutmayıb: “Hər kəs seçimində azaddır. Məsələn, Kriştianu Ronaldo karyerasının sonunda ora yollanmaq qərarına gəldi. Lakin mən Avropanın top-klublarında oynamağa qadir olan futbolçuların Səudiyyə Ərəbistanına yollanmasını anlamıram. Daha sonra bu insanlar bildirirlər ki, orda məqsədləri var. Halbuki hər şey pula görədir”.