“Bavariya”nın məğlubiyyətsiz oyunlar seriyası 35-ə çatdı

“Bavariya” Çempionlar Liqasının qrup mərhələsinin ilk turunda “Mançester Yunayted” üzərində qələbə qazanıb - 4:3.

Futbolxeber.az saytının məlumatına görə, bu qələbə sayəsində Münhen klubunun ÇL-in qrup mərhələsindəki məğlubiyyətsiz oyunlar seriyası 35-ə çatıb. 32 görüşdə 3 xal qazanan “Bavariya” 3 matçda da heç-heçə edib.

Bundan başqa, “Bavariya” qrup mərhələsində ardıcıl 14-cü qələbəsini qazanıb ki, bu da rekorddu.

Bundesliqa təmsilçisi qitənin 1 nömrəli klub turnirinin qrup mərhələsində 6 il qabaq - 2017-ci ildə PSJ-yə uduzub.