“Roma” 1 ildən çoxdu meydana çıxmayan futbolçunu icarəyə götürə bilər

Meyson Qrinvud “Mançester Yunayted”dən ayrıla bilər.

Futbolxeber.az saytının “The Sun”a istinadən verdiyi məlumata görə, “Roma” ingilis forvardı icarəyə götürmək istəyir.

Bildirilir ki, İtaliya klubunun baş məşqçisi Joze Mourinyo 21 yaşlı futbolçunun atası ilə əlaqə saxlayaraq, mümkün keçidi müzakirə edib.

Qeyd edək ki, Qrinvud 2022-ci ilin yanvarından meydana çıxmır. Həmin vaxt futbolçu birlikdə olduğu qızı zorlamaqda ittiham olunaraq həbs edilmişdi. Lakin sonradan Mançester polisi araşdırmaların yekunlaşdığını və Meysonun günahsız olduğunu bəyan etdi. Buna baxmayaraq, “Mançester Yunayted” klubdaxili araşdırma apardığını əsas gətirərək futbolçunu heyətə qaytarmayıb.  

Qeyd edək ki, Qrinvudun “Mançester Yunayted”lə müqaviləsi 2025-ci ilə kimidi.

Futbolxeber.az-ın teleqram kanalına abunə olun