Dadaşov "Şalke"dən niyə ayrılıb?

"Şalke"nin 2-ci komandasından ayrılan millimizin sabiq hücumçusu Rüfət Dadaşov bu qərarının səbəbini açıqlayıb.

Futbolxeber.az saytının "Bild"ə istinadən verdiyi məlumata görə, Dadaşov qeyd edib ki, ona müqaviləsinin müddətini uzatmaq təklif olunsa da, daha iddialı komandada oynamaq istəyib:

"Yenidən yüksək yerlər üçün oynamaq istəyirəm. Buna görə də ayrılmalı oldum".

31 yaşlı futbolçu onu da bildirib ki, “Dinamo”dan ayrıldıqdan sonra həyat yoldaşı və ailəsi hələ də Berlində yaşayır. Rüfət sabiq klubuna keçməsinə isə "Mənə elə gəlir ki, evimə qayıdıram" şərhini verib.

Qeyd edək ki, Dadaşov 2017-2018 mövsümündə də "Dinamo"da çıxış edib və 29 oyuna 29 qolla komandanın bombardiri olub.