Ronaldo Avropaya qayıtmaq istəyir

"Əl-Nəsr"in hücumçusu Kriştiano Ronaldo Səudiyyə Ərəbistanı klubu ilə müqaviləni vaxtından əvvəl pozmaq istəyir.

Futbolxeber.az saytının "Mundo Deportivo"ya istinadən verdiyi məlumata görə, müasir cəmiyyətdən uzaq adlandırdığı Səudiyyə Ərəbistanının infrastrukturu Ronaldonu qane etmir.

Qeyd olunur ki, 38 yaşlı hücumçunun yaxın ətrafı da Avropaya qayıtmaq istəyir.

Ronaldo üzrlü səbəb olmadan “Əl-Nəsr”i tərk etmək qərarına gəlsə, o zaman FİFA qaydalarına əsasən, hazırkı müqaviləsinin bitməsinə qalan iki il üçün kluba təzminat ödəməli olacaq. Bundan əlavə, reqlament oyunçuya qarşı sanksiyaları nəzərdə tutur.

Xatırladaq ki, Ronaldo ötən ilin dekabrında "Əl-Nəsr"ə transfer olunub. O, ölkə çempionatında 14 oyun 13 qol vurub.