Ndlovu: "Qarabağ"a qayıdıb 1-2 mövsüm oynamaq istəyərəm"

“Qarabağ”ın ürəyimdə xüsusi yeri var. Çünki əksər futbolçuların karyeraları boyu qazanmadıqlarını o klubda əldə etmişəm. "Qarabağ"ın Çempionlar Liqasının qrupunda iştirak edən ilk Azərbaycan klubu olmasını nəzərdə tuturam. Tarix yazmışdıq”.

Futbolxeber.az saytının məlumatına görə, bu sözləri "Qarabağ"ın sabiq futbolçusu Dino Ndlovu  “telecomasia.net”ə müsahibəsində deyib.

Hazırda Türkiyənin “Boluspor” klubunda çıxış edən cənubi afrikalı hücumçu yenidən Ağdam klubunda çıxış etmək istəyini gizlətməyib:

“Geri dönməyimə gəlincə, klub məni qaytarmaq üçün nə etməli olduğunu bilir. Əlbəttə ki, qayıdıb orada daha 1-2 mövsüm oynamaq istəyərəm. Amma ümidsiz bir addım istəmirəm. Hər iki tərəf buna ürəkdən inanmalıdır”.

Qeyd edək ki,  Ndlovu 2016-2018-ci illərdə “Qarabağ”da çıxış edib və 36 oyuna 15 qol vurub. 33 yaşlı forvardın “Boluspor”la müqaviləsi  gələn ilin yayına qədərdir.