“Ronaldo olan yerdə başqasının kapitan sarğısını daşıması qəribə olardı”

“Əl-Nəsr”in üzvü Jaloliddin Maşaripov Kriştianu Ronaldonun komandanın kapitanı təyin olunmasına münasibət bildirib.

Futbolxeber.az saytının xarici KİV-ə istinadən verdiyi məlumata görə, özbək futbolçu kapitan sarğısının portuqaliyalı ulduza həvalə edilməsinin düzgün olduğunu bildirib:

“Bunu təbii qarşılayıram. Əslində, belə də olmalıdır. Çünki Ronaldonun oynadığı komandada başqasının kapitan sarğısını daşıması qəribə olardı. Onsuz da biz əvvəldən də belə olacağını bilirdik. Sabiq kapitanımız da sarğını ona böyük həvəslə həvalə etdi. Bu, tamamilə doğru qərardır. Başqa cür də ola bilməzdi”.

Qeyd edək ki, Ronaldo 200 milyon avro qarşılığında qoşulduğu Səudiyyə Ərəbistanı klubunun heyətində keçirdiyi 3 rəsmi oyunda 1 qol vurub.