Todesko: “Bu təyinat mənim üçün şərəfdir”

Domeniko Todesko Avro-2024-ün seçmə mərhələsində milli komandamızın rəqibi olan Belçika yığmasının baş məşqçisi təyin olunmasına münasibət bildirib.

Futbolxeber.az saytının xarici KİV-ə istinadən verdiyi məlumata görə, italiyalı mütəxəssis yeni işinə başlamaq üçün səbirsizləndiyini vurğulayıb:

“Federasiya rəhbərliyi ilə ilk danışıqdan sonra anladım ki, hər şey yaxşı olacaq. Qısa zamanda aydın oldu ki, fikirlərimiz üst-üstə düşür. Motivasiyam çox yüksəkdir və səbirsizliklə işə başlayacağım günü gözləyirəm. Belçika millisinin baş məşqçisi təyinn olunmaq mənim üçün şərəfdir. Komandaya uğur qazandırmaq üçün əlimdən gələni edəcəyəm”.

Qeyd edək ki, Tedesko daha əvvəl Almaniyanın “Aue”, “Şalke”, “Leyptsiq” klublarında və Moskva “Spartak”ında çalışıb.

Əlavə edək ki, Azərbaycan millisi seçmə mərhələnin F qrupunda Belçika seçməsi ilə sentyabrın 9-da Bakıda, noyabrın 19-da isə Brüsseldə qarşılaşacaq.