Tudor: “Mbappe hazırda dünyanın ən yaxşı futbolçusudur”

Bu gün Fransa kuboku çərçivəsində “Marsel” öz meydanında PSJ-ni qəbul edəcək.

Futbolxeber.az saytının xarici KİV-ə istinadən verdiyi məlumata görə, Marsel klubunun baş məşqçisi İqor Tudor

“Oyun tərzimizi nəzərə alsaq, Mbappe bizim üçün möcüzəvi oyunçu olardı. İndiki məqamda onun yoxluğu bizim üçün müsbət məqamdır. Lakin PSJ-nin hücum xəttində digər sürətli futbolçular da var. Bütün oyunçulara hörmətlə yanaşıram, amma hazırda Mbappe dünyanın ən yaxşı futbolçusudur. Messiyə qarşı hər hansı bir xüsusi plan hazırlamamışıq. Çünki Paris klubunda hər mövqedə usta futbolçular var. Rəqibin heyətindəki hər bir oyunçu istənilən an matçın taleyini dəyişə bilər”.

Xatırladaq ki, Mbappe fevralın 1-də “Monpelye” ilə görüşün (3:1) 21-ci dəqiqəsində zədələnərək meydanı vaxtından əvvəl tərk edib. Onun 3 həftə yaşıl meydanlardan kənarda qalacağı bildirilir.