Avro-2020: Fransa və Xorvatiya 1/4 finaldan kənarda qaldı

Avro-2020-də 1/8 final mərhələsi davam edir.

Futbolxeber.az saytının məlumatına görə, 3-cü oyun günü daha iki görüş keçirilib.

Xorvatiya İspaniya ilə üz-üzə gəlib. Qarşılaşmanın əsas vaxtı 3:3 hesabı ilə yekunlaşıb. İspaniya millisi əlavə olunmuş 30 dəqiqədə 2 qol vuraraq növbəti mərhələyə adını yazdırıb.

Günün son matçında isə Fransa İsveçrə ilə qarşılaşıb. Bu oyunun da əsas vaxtı 3:3 hesabı ilə yekunlaşıb. Dramatik matçın əlavə vaxtında da qol olmayınca qalib penaltilərlə müəyyənləşib. İsveçrə millisi burada daha dəqiq olaraq (5:4) qalib gəlib. Beləliklə, sensasiyalı şəkildə son dünya çempionunu mübarizədən kənarlaşdıran İsveçrə millisi tarixində ilk dəfə Avropa çempionatının 1/4 finalına yüksəlib.

Avro-2020

1/8 final mərhələsi

28 iyun

Fransa - İsveçrə - 3:3 (Penaltilər - 4:5)

Qollar: Seferoviç, 15 (0:1), Benzema, 57 (1:1), 59 (2:1), Poqba, 75 (3:1), Seferoviç, 81 (3:2), Qavranoviç, 90 (3:3)

Reallaşdırılmayan penalti: Rodriges, 55 (İsveçrə)

Baş hakim: Fernando Rapallini (Argentina)

Buxarest, "Milli Arena" stadionu

Xorvatiya - İspaniya - 3:5

Qollar: Simon, 20 (öz qapısına) (1:0), Sarabiya, 38 (1:1), Azpilikueta, 57 (1:2), Torres, 77 (1:3), Orsiç, 85 (2:3), Pasaliç, 90+3 (3:3), Morata, 100 (3:4), Oyarzabal, 103 (3:5)

Baş hakim: Cüneyt Çakır (Türkiyə)

Kopenhagen, "Parken" stadionu