Terri London derbisində oynamayacaq

Şənbə günü “Çelsi” Premyer Liqanın VI turunda “Arsenal”ın qonağı olacaq. Futbolxeber.az saytının məlumatına görə, “Çelsi” London derbisinə itki ilə çıxacaq. “Zadəganlar”ın aparıcı müdafiəçisi Con Terri “Arsenal”a qarşı görüşdə meydana çıxa bilməyəcək.

Bu haqda “Çelsi”nin baş məşqçisi Antonio Konte açıqlama verib. İtaliyalı mütəxəssis qeyd edib ki, Terri hələ də zədəsini bərpa etməyib.

Xatırladaq ki, Terri buna qədər zədə səbəbindən “Liverpul” (1:2) və “Lester”lə (4:2) matçları da kənardan izləyib.