Ronaldo: “Karyeramı 40 yaşımda “Real”da bitirməyə hazırlaşıram”

Kriştianu Ronaldo gələcək planlarından söz açıb. Futbolxeber.az saytının məlumatına görə, portuqaliyalı ulduz karyerasını hazırkı klubu “Real”da bitirmək istədiyini bəyan edib: “Real”ın 11-ci dəfə Çempionlar Liqasını qazanmasına inanılmaz dərəcədə çox sevinirəm. Karyeramı elə bu klubda, 40 yaşında bitirmək istəyirəm. Bunun üçün əlimdən gələni edəcəyəm. Hazırda bütün diqqətimi Avropa çempionatına yönəltmişəm. Avropa çempionluğunu qazanmaqla xalqımıza böyük sevinc bəxş etmək istəyirik. Portuqaliya xalqı bu sevincə layiqdir”.

Qeyd edək ki, 2009-cu ildə “Real”a gələn Ronaldo, klubun tarixində ən yaxşı bombardir olmağı bacarıb. Son mövsümdə o, meydana çıxdığı 48 oyunda 51 qol və 15 məhsuldar ötürmə ilə yadda qalıb.